Om fildepotet for LIA

Gå til fildepotet
Gå til hjemmesida for LIA

Referer til fildepotet slik:

Fildepot for LIA: https://tekstlab.uio.no/liafiler
Spesifiser også kva for (eitt) universitet filene kjem frå.

Meld gjerne frå om feil og manglar til tekstlab-post@iln.uio.no

Fildepotet for LIA inneheld talemålsopptak frå Universitetet i Oslo, Universitetet i Bergen, Universitetet i Tromsø - Noregs arktiske universitet og Noregs teknisk-naturvitskaplege universitet. Dei fleste opptaka er digitaliserte ved Nasjonalbiblioteket i Mo i Rana gjennom infrastrukturprosjektet LIA (Language Infrastructure made Accessible), les meir om prosjektet her.

Det eldste opptaket er frå 1937, dei yngste frå 2000-talet. Det er stort sett norske talemålsopptak frå Noreg i fildepotet, med nokon unntak, sjå nedanfor. Opptak som i si tid vart klausulerte, er ikkje med i fildepotet.

Opptaka frå Målførearkivet ved Universitetet i Oslo vart digitaliserte av EDD i eit prosjekt allereie på 2000-talet. Talemålsarkivets registrant gir ein oversikt over desse lydopptaka. Mange av desse filene er også transkriberte gjennom LIA-prosjektet eller gjennom arbeidet med Nordisk dialektkorpus (transkripsjonen av målførearkivfilene i NDC vart finansiert av NO2014). Opptaka frå Målførearkivet som er transkriberte, ligg også i fildepotet for LIA.

Gjennom LIA-prosjektet har vi forsøkt å samle så mykje metadata om kvart opptak som moleg, men mengda vil variere. Sjå alle metadata ved å klikke på i-symbolet til venstre for filnamnet.

Førebels er det berre mogleg å lytte til opptaka ved å klikke på spel-symbolet ved sida av informasjonsknappen. Dersom du treng å laste ned eit talemålsopptak, kan du ta kontakt med tekstlab-post@iln.uio.no. Det er også mogleg å laste ned ei mappe med utvalde transkripsjonar og lydfiler, sjå nedanfor.

Figur 1: I menyen til venstre kan du filtrere kva for filer du vil sjå. I figuren er "filer frå Nord-Trøndelag med transkripsjon" valde, i alt 43 filer slik det går fram av tellaren over resultata. Resultata her er viste over to sider.
Til venstre for kvart søkeresultat finst ein informasjonsknapp og ein avspelingsknapp.

Figur 2: Ikkje alle metadata er viste i hovudoversikta, men eit klikk på i-knappen, viser all informasjon slik det er gjort i denne figuren for harran_ntnu_01_1983_lia. Transkripsjonsfila kan lastas ned ved å klikke på transkripsjonsfilnamnet.

Slik bruker du fildepotet

I menyen til venstre kan du filtrere kva for opptak du får sjå med omsyn til:

• Opphaveleg eigar: Kva for universitet opptaket kjem frå.
• Opptaksår. Vi kjenner ikkje opptaksåret for alle filene.
• Fylke før 2020. Fylkes-kategoriseringa er gjort etter inndelinga av fylke før endringane i 2020.
• Kommune 1960: Kva for kommune opptaksstaden høyrde heime i i 1960. Ei stjerne bak kommunenamnet fortel at vi ikkje er sikre på at vi har funne fram til riktig kommune.
• Kommune 1978: Kva for kommune opptaksstaden høyrde heime i i 1978.
• Stad (bygd). Ikkje alle opptak har denne informasjonen.
• Språk. Dei fleste opptaka er norske, men det finst også nokon opptak på dansk, engelsk, finsk, islandsk, færøysk, samisk og svensk.
• Sjanger. Vi har forsøkt å kategorisere opptaka etter desse sjangrane: Anna, biletprøve, fri tale, lydsystem, musikk, opplese, ordliste, radioopptak, stadnamn, telefon og tonem. Merk at ein del filer inneheld fleire opptak og at ikkje alle opptaka er gjennomgåtte frå start til slutt.
• Transkribert? For dei opptaka som er transkriberte, kan du laste ned transkripsjonane. Klikk på transkripsjonsfilnamnet under i-knappen ved sida av filnamnet til høgre på sida.
• Filnamn. Alle filene har fått automatisk genererte namn, til dømes aal_uib_01_1980_lia  (kommunenamnet frå 1960_eigar_generert nummer_opptaksår_lia). I nokon tilfelle kjenner vi ikkje opptaksåret, filene får da 0000 som opptaksår.
• Transkripsjonsfilnamn. Transkripsjonane har same namn som lydfilene, men manglar dei siste felta, det vil seie opptaksår og prosjekt.
• Fritekstsøk: Her vert det søkt i alle metadataopplysningane, også i kommentarfelta du kan sjå under informasjonsknappen.

Utvalde transkripsjonar og lydfiler til nedlasting
553 transkripsjonar i tekstformat frå LIA norsk er saman med tilhøyrande lydfiler samla i ei mappe for nedlasting. Dette er opptak som ikkje inneheld sensitiv informasjon og kan brukast fritt til både lingvistiske og språkteknologiske formål. (Mange opptak i LIA norsk har noko innhald som kan karakteriserast som sensitiv informasjon. Denne informasjonen er ikkje transkribert, derfor kan opptaka brukast i korpuset. Men sidan informasjonen framleis finst i lydfilene, kan lydfilene ikkje frigis for nedlasting.)

Last ned utvalde lydfiler og transkripsjonar frå LIA norsk