Funksjon: Setningsledd

Setningsledda blir forkorta med store bokstavar. På treanalysesida har setningsledda lysegrøn farge.

Setningstypar

Vi har fire setningstypar:

Forkorting	Setningstype	Eksempel
STA	Forteljande setning (Statement)	Vevkjerringa sleppte lysekrona.
QUE	Spørjesetning (Question)	Sleppte vevkjerringa lysekrona?
COM	Bydesetning (Command)	Slepp lysekrona!
EXC	Utrop (Exclamation)	Uff då!

Setningsledd

Vi bruker følgjande setningsledd:

Forkorting	Setningsledd	Eksempel
S	Subjekt	Lisa syklar. Jenta med dei blå snikkarbuksene syklar. At ho kjem for seint, overraskar meg ikkje. Subjekt i samband med førebels subjekt: Det kom to sjonglørar på festen.
Sf	Førebels subjekt	Det sit ein nisse på stubben.
P	Verbal	Simen sprang. Simen har sprunge i ein time. Simen hadde kunna springe i fleire timar.
Od	Direkte objekt	Tora åt lakris. Tora åt eit tonn med lakris.
Oi	Indirekte objekt	Siri serverte Markus eit stykke av bursdagskaka. Vaktaren gav pingvinen med det gule håret eit ekstra fiskestykke.
A	Adverbial	Hunden tusla heim. I Brasil dansar dei samba.
Cs	Predikativ: subjekstpredikativ	Marianne er astronaut. Ole Jørgen skal guten heite. Lukka er å ete is i sola.
Co	Predikativ: objektspredikativ	Elevane skurte golvet reint. Solkongen kalla dei han.
SUB	Underordnande konjunksjonal	Eg vonar at ho kjem.

Sideordningsledd

Vi bruker følgjande sideordningsledd:

Forkorting	Sideordningsledd	Eksempel
CO	Koordinator	Sara, Ingvild og Martine samarbeida. Buksa var stilig, men svindyr.
CJT	Konjunkt	Sara, Ingvild og Martine samarbeida. Buksa var stilig, men svindyr.

Gruppeledd

Det er to gruppeledd: Hovud og Dependent. Det er eitt hovud og ein eller fleire dependentar i ei gruppe. Vi opererer med fem ulike grupper:

• grupper med substantiv som hovud
• grupper med adjektiv som hovud
• grupper med preposisjonar eller adverb som hovud
• grupper med verb som hovud
• grupper med pronomen som hovud

Forkorting	Gruppeledd	Eksempel (gruppa med feit skrift, hovudet i gruppa med raudt)
H	Hovud	Substantiv er hovud: Den skitne hunden bjeffa. Den skitne hunden med naglehalsbandet bjeffa. Ho hadde store føter. Adjektiv er hovud: Jakka var heilt ny. Adverb er hovud: Ho køyrer svært fort Preposisjon er hovud: Nøklane låg på bordet. I den gamle rønna fann Anja eit gulna brev. Pronomen er hovud: Ho bak disken smilte til meg. Verb er hovud: Eg har sove i åtte timar. Jenny har vilja gjeste henne lenge. Andreas kan ikkje komme på trening i dag.
Forkorting	Gruppeledd	Eksempel (gruppa med feit skrift, dependenten i gruppa med raudt)
D	Dependent	Substantiv er hovud: Den skitne hunden bjeffa. Den skitne hunden med naglehalsbandet bjeffa. Ho hadde store føter Adjektiv er hovud: Jakka var heilt ny Adverb er hovud: Ho køyrer svært fort. Preposisjon er hovud: Nøklane låg på bordet. I den gamle rønna fann Anja eit gulna brev. Pronomen er hovud: Ho bak disken smilte til meg Verb er hovud: Eg har sove i åtte timar. Jenny har vilja gjeste henne lenge. Andreas kan ikkje komme på trening i dag.

Toppen av sida